Cynllun Datblygu Lleol Parc Cenedlaethol Bannau Brycheiniog (Bannau Brycheiniog) 2025 – 2045

1.0 Rhagymadrodd Sylw

1.1 Gan gynnwys Cynllun Cynnwys Cymunedau ac Amserlen ar gyfer paratoi Cynllun Datblygu Lleol (CDLl) amnewid ac a wnaed yn unol â Rheoliadau Cynllunio Gwlad a Thref (Cynllun Datblygu Lleol) (Cymru) 2005 (fel y'i diwygiwyd 2015) a chanllawiau Adran 75^[2], cymeradwywyd y Cytundeb Cyflawni hwn drwy benderfyniad Awdurdod y Parc Cenedlaethol ar [ insert date ] cyn cael cymeradwyaeth Llywodraeth Cymru ar [ insert date ].

1.2 Bydd swyddogaeth y gwaith o baratoi'r CDLl newydd yn cael ei harfer fel rhan o gyflawni datblygiad cynaliadwy^[3] yn eich Parc Cenedlaethol er mwyn sicrhau bod datblygu a defnyddio tir yn cyfrannu at wella lles economaidd, cymdeithasol, amgylcheddol a diwylliannol Cymru.

1.3 Bydd angen i'r CDLl gydymffurfio'n gyffredinol ac felly wedi'i gydgysylltu'n agos â Fframwaith Datblygu Cenedlaethol Cymru (Cymru'r Dyfodol: Y Cynllun Cenedlaethol 2040 ar hyn o bryd), a thri Chynllun Datblygu Strategol wedi'u paratoi i amserlenni gwahanol gan Gydbwyllgorau Corfforaethol Canolbarth, De-orllewin a De-ddwyrain Cymru.

1.4 Er y gwneir pob ymdrech i ddilyn y cytundeb cyflawni, os oes gan Awdurdod y Parc Cenedlaethol sail resymol i gredu na fyddai'n debygol o niweidio cyfle unrhyw unigolyn i fod yn rhan o baratoi'r CDLl newydd, yna nid oes angen iddo gydymffurfio â gofyniad penodol yn y Cynllun Cynnwys Cymunedau.

1.5 Bydd angen i Lywodraeth Cymru gytuno ar unrhyw newid sylweddol i'r amserlen neu gynllun cynnwys cymunedau hefyd.